Այս կարճ փոքրիկ պատմվածքը շատ հետաքրքիր և իմաստալից էր։Այստեղ շատ հետաքրքիր վերլուծում կա,թե ինչու են մարդիկ բղավում,բայց հետաքրքիրը այն էր,որ ես ամեն բառի հետ համաձայն եմ։Այստեղ ճիշտ է կա մի փոքր առասպելական տեսանկյուն,բայց այդ հատվածը այս պատմվածքում ավելի է գեղեցկացնում,խոսքը գնում է այն հատվածին,որտեղ ասվում է,որ եթե մարդը խոսում է մյուսի հետ ապա նրանց սրտերը մոտիկ են,իսկ եթե բարձր են խոսում,ապա նրանց սրտերը հեռվացած են։Կցանկանայի,որ շատ պատմվածքներ լինեն,որ այսպիսի կարճ պատմվածքում լինի այսքան շատ իմաստ։
Day: October 5, 2023
Ինչո՞ւ են մարդիկ բղավում…
Մի անգամ ուսուցիչը հարցրեց իր աշակերտներին.
-Երբ մարդիկ վիճում են, նրանք բղավում են, ինչո՞ւ:
-Որովհետև նրանք կորցնում են իրենց հավասարակշռությունը,- պատասխանեց մի աշակերտ:
-Բայց ինչո՞ւ բղավել, եթե մարդը գտնվում է հենց քո կողքին,-հարցրեց ուսուցիչը,- հնարավոր չէ խոսել շշուկով: Ինչո՞ւ բղավել, եթե դու բարկացած ես:
Աշակերտներն առաջարկեցին իրենց տարբերակաները, բայց պատասխաններից ոչ մեկը չգոհացրեց իրենց ուսուցչին: Վերջապես նա բացատրեց.
-Երբ մարդիկ գոհ չեն միմյանցից և վիճում են, նրանց սրտերը հեռանում են իրարից: Այդ տարածությունը ծածկելու և միմյանց լսելու համար նրանք ստիպված են բղավել: Ինչքան շատ են նրանք բղավում, այնքան բարձր են բղավում:
Իսկ ի՞նչ է պատահում, երբ մարդիկ սիրահարվում են, նրանք չեն բղավում, հակառակը խոսում են ավելի ցածրաձայն, որովհետև նրանց սրտերը գտնվում են ավելի մոտ, և նրանց միջև գտնվող տարածությունը շատ փոքր է դառնում: Իսկ երբ ավելի ուժեղ են սիրահարվում ինչ է կատարվում,- շարունակեց ուսուցիչը,- չեն խոսում, այլ պարզապես շշնջում են և ավելի են մոտենում իրենց սիրուն: Վերջում անգամ շշնջալը հնարավոր չի լինում, նրանք պարզապես նայում են միմյանց , հասկանում առանց խոսքերի: Այդպես է լինում, երբ իրար կողք կողքի լինում են երկու սիրող մարդիկ:
Ահա այսպես, եթե վիճում եք, ապա թույլ մի տվեք ձեր սրտերին հեռանալ միմյանցից, մի՛ արտաբերեք ոչ մի խոսք, որոնք ավելի են մեծացնում ձեր միջև գտնվող այդ տարածությունը: Որովհետև կգա մի օր, երբ այդ տարածությունն այնքան մեծ կլինի, որ դուք չեք կարող գտնել հետադարձ ճանապարհը:
Հայկ Փիլիպոսյանի ուսումնական բլոգը 